Hvíli hún í friði

Jæja, þá veit ég allt um afdrif Hallgerðar. Dýralæknir á Dýraspítalanum í Víðidal hafði samband við mig og lét mig vita að hún hefði komið inn fárveik, sennilega mjög stuttu eftir að hún týndist, og ekki lifað af nóttina. Nýrnabilun var það víst. Ég hef grun um að hún hafi fengið sér frostlög sem hefur lekið úr einhverjum bílnum, en fyrsta kisa Völu systur gerði það sama og henni var sagt að ekkert væri hægt að gera fyrir hana. Frostlögurinn er bragðgóður en baneitraður. Hér með hefst barátta mín fyrir því að bíleigendur passi upp á að vatnstankarnir í bílunum þeirra leki ekki!! Ef þú sérð poll undir bílnum þínum, láttu athuga það svo þú hafir ekki kattarlíf á samviskunni!

Við syrgjum Hallgerði mikið og vonum að hún hafi það gott á dýrahimninum. Við gleymum henni aldrei.

Athugasemdir

[Þorgrímur Gestsson (IP-tala skráð) 5.7.2007 kl. 16:20]

Frostlögurinn er á vatnskassanum og í kælikerfinu, Björg mín - bara til að hafa það á hreinu! Það var ekkert meira mér að kenna en þér að við borguðum bílstjóranum í New York of mikið. En lærdómurinn af þessu er sá að taka aldrei öðruvísi leigubíl en yellow cab.

Pabbi

[Þuríður Björg Þorgrímsdóttir, 6.7.2007 kl. 00:41]

Ég veit að frostlögurinn er á vatnskassanum og í kælikerfinu, og rúðupissinu.

[Laufey Ólafsdóttir, 12.7.2007 kl. 02:41]

Ég samhryggist þér svo mikið vegna kisu Ömurlegt. Las þetta um daginn en gat ekki kommentað. Er búin að vera í netkrísu.