Ég fékk reikning!

Jæja, þá er reikningurinn fyrir færibandaskoðuninni á spítalanum í Barcelona kominn. Það gera 110 evrur, thank you and good bye, come back soon! Og hvað geri ég svo núna? Einhverjar hugmyndir? Anyone? Anyone?

Athugasemdir

[Ásdís (IP-tala skráð) 28.8.2007 kl. 09:11]

Þetta er ROSALEGT, hvernig ferðu að því að kljúfa þetta...  

Annars áttu bara að trítla niður í TR með reikninginn og sjá hvað þær segja. EKKI hringja, farðu á staðinn, það verður örugglega neikvætt svar en þær eru almennilegri þegar maður er kominn á staðinn - þá eru þær ekki bara rödd án andlits hinum megin á línunni.

[Þuríður Björg Þorgrímsdóttir, 28.8.2007 kl. 09:44]

Ok, takk takk, góða vinkona, ég reyni þetta næst þegar ég HEF TÍMA. Ég held reyndar að ég komist kannski fyrir hádegi á fimmtudaginn. Auðvitað gátu margir sagt mér EFTIRÁ að ég hefði átt að vera með eyðublaðið E-eitthvað með mér til Spánar ef ég skyldi lenda í þessum aðstæðum. Hver hefur eiginlega upplýsingaskyldu varðandi svona lagað? VISA? Flugfélagið? Ferðaskrifstofan? Ég fékk fullt af gagnlegum og gagnslausum upplýsingum frá ferðaskrifstofunni með miðanum mínum, en hvergi var minnst á sjúkratryggingareyðublað.

[Laufey Ólafsdóttir, 29.8.2007 kl. 23:41]

Maður man aldrei eftir þessu árans eyðublaði fyrr en maður lendi í að þurfa að nota það, sem er þá orðið of seint. Lífið er svo flókið. ...og nei, engin upplýsingaskylda. Þú áttir að fæðast með þessa vitneskju.

[Þuríður Björg Þorgrímsdóttir, 30.8.2007 kl. 00:02]

Hey, jafnvel þótt engum beri SKYLDA til að upplýsa mann um svona, þá finnst mér það nú bara KURTEISI. Sérstaklega þegar ferðaskrifstofan leggur á sig að gera upplýsingabækling hvort sem er!