Get ég fengið styrk...

... til að flytjast til heitara og rakara lands? Ég er viss um að það er ódýrara fyrir ríkið að senda mig til Mið-Ameríku og setja mig á bætur þar en borga fyrir mig allar leysermeðferðirnar sem ég þarf að fara í til að laga á mér húðina. Gróft reiknað eyðir ríkið um 200 þúsund krónum á ári í þetta, nema ég láti líka taka fitukirtlana á enninu, þá er það meira. Fyrir þessa upphæð get ég lifað í næstum ár í Kosta Ríka. Er ekki peningunum betur varið þannig?

Hvort er betra, að áreita húðina með rándýrum tækjum eða leyfa henni að jafna sig á náttúrulegan hátt, fyrir sama pening?

Ég auglýsi hér með eftir styrkjum, ég tek við hvaða peningum sem er. Ef þið viljið vita eitthvað um landið áður en þið ákveðið að gefa mér peninga, hlustið þá á Rás 1 næstu tvo laugardaga klukkan 16:10 og á www.ruv.is til að heyra þáttinn frá laugardeginum var.

Þetta lag var rosavinsælt á skiptinemaárinu mínu og þar sem mér tekst ekki að setja það inn í spilara þá ákvað ég að setja inn myndbandið. Ferlega skemmtilegt lag: 

http://www.youtube.com/watch?v=xV924pWpMDc

 

Athugasemdir

[Hulda Dagmar Magnúsdóttir, 1.9.2007 kl. 00:17]

get ekki gefið fjárhagslegan styrk, en sendi þér andlegan styrk.......... vona virkilega að hann komi að gagni.

[Halla Rut , 1.9.2007 kl. 02:01]

Hver vill vera á Costa Rika í ár....

[Þuríður Björg Þorgrímsdóttir, 1.9.2007 kl. 13:51]

Ég! Hlustaðirðu ekki á lagið sem ég gat ekki sett inn sem myndband? Það er sko fjör í Kosta Ríka...

[Laufey Ólafsdóttir, 1.9.2007 kl. 14:26]

Við höldum fyrir þig styrktartónleika . Kannski vilja þessir gaurar troða upp. Ja eða stuðmenn ef það er ekki hægt. Þeir eru næstum því jafnglaðlegir.

[Þuríður Björg Þorgrímsdóttir, 1.9.2007 kl. 22:41]

Hey, mér líst vel á styrktartónleika en ég vil frekar Bubba en Stuðmenn...