?rugaduvlöt rumælS

Tölvan mín tók upp á því í morgun að skrifa afturábak. Ég hef lent í ýmsu með þær tölvur sem ég hef átt, en hingað til hefur ekkert toppað þetta! Og ég sem er nýbúin að fá nýja tölvu. Allt í einu komst ég ekki inn á kennsluforritið og skildi ekkert í því að það vildi ekki samþykkja lykilorðið mitt. Þá tók ég eftir því að bendillinn var alltaf á sama stað og mér datt í hug að skrifa inn lykilorðið afturábak. Og það gekk.

Ég sendi nemanda mínum í fjarnáminu eftirfarandi orðsendingu:

"...ilfak .62 ...unikilbangua í kabárutfa rafirks ním navlöt ,uðakasfA .aráL læS"

Svo sat ég bara og grenjaði úr hlátri. Var einhver að tala um að hafa farið öfugu megin fram úr rúminu í morgun? Það hefur allavega fengið alveg nýja merkingu fyrir mér...

Athugasemdir

[Finnur Hrafn Jónsson, 26.10.2007 kl. 23:36]

Tölvan stendur væntanlega í þeirri meiningu að verið sé að nota hana í landi þar sem tíðkast að skrifa frá hægri til vinstri. Ef þú ert með Windows ætti að vera mögulegt að stilla aftur yfir á íslensku með því að smella á íkon neðst hægra megin. Venjulega stendur IS en núna gæti staðið AR eða eitthvað þvíumlíkt fyrir arabisku.

[Þuríður Björg Þorgrímsdóttir, 26.10.2007 kl. 23:51]

Ég held frekar að hún hafi fengið einhvers konar ofnæmiskast, kannski fyrir kaffinu sem ég var með við hlið hennar á meðan á þessu stóð, því svo lagaðist hún allt í einu. Kannski ég hafi akkúrat verið búin úr kaffibollanum .

[Laufey Ólafsdóttir, 27.10.2007 kl. 01:11]

ja, ýmislegt getur gerst!