Lindy-reif á morgun

Á morgun, sunnudag, verður fjör hjá lindurum. Við ætlum á tónleika og látum okkur ekki nægja að hlusta heldur ætlum við líka að dansa. Ég vona að ÞIÐ komið líka og dansið með okkur! Lindy Hop rokkar!!

Stórsveit Suðurlands í Ráðhúsi Reykjavíkur

Stórsveit Suðurlands heldur tónleika í Ráðhúsi Reykjavíkur 18. nóvember kl. 16. Með sveitinni koma fram þær Kristjana Stefánsdóttir og Guðlaug Dröfn Ólafsdóttir djasssöngkonur. Stórsveit Suðurlands er fullskipuð stórsveit (big band) og var stofnuð árið 2006. Stjórnandi er Vignir Þór Stefánsson.

P.S. Það er ekki nauðsynlegt að dansa Lindy Hop. Það má notast við hvaða átta takta dans sem er.

Athugasemdir

[Laufey Ólafsdóttir, 20.11.2007 kl. 12:32]

Nei! Var hún Guðlaug systir mín að syngja þarna! Svona fylgist ég nú vel með. Bara í kæruleysi að lufsast í einhverjum félagsstörfum

Hehe, vona að það hafi verið gaman hjá ykkur hoppurunum!

[Þuríður Björg Þorgrímsdóttir, 20.11.2007 kl. 15:16]

Ertu að meina þetta? Jahérna, litla Ísland... Þetta var bara mjög gaman. Ég myndi setja inn myndband af þessu en það eina sem ég er með held ég að sé 5 sekúndur að lengd. Held ég bíði eftir langa myndbandinu.

[Alexander Kristófer Gústafsson, 21.11.2007 kl. 23:17]

Hef það í vana að halda mig frá kommagrænum/kommunisum platfeiminustum(sóley)

[Þorgrímur Gestsson (IP-tala skráð) 21.11.2007 kl. 23:47]

Óttalega held ég að þetta sé leiðinlegur maður sem gerði síðustu athugasemd. Og hvað er líkt með bandarískri big-band músík og hvað var það nú, "kommagrænir/kommunisar og platfeministar". Hvað er nú eiginlega það? Eitthvað held ég að þessum manni líði illa. Það var stórgaman á tónleikunum, hljómsveitin alveg þokkaleg og tilbreyting að fylgjast með hoppurunum hoppa af lífi og sál til hliðar við spilarana. Lifi Lindy-hop!

[Þuríður Björg Þorgrímsdóttir, 22.11.2007 kl. 10:07]

Veit einhver hvernig á að eyða athugasemdum?? Nú eða loka fyrir athugasemdir ákveðinna bloggara??

[Laufey Ólafsdóttir, 22.11.2007 kl. 15:44]

Uss það er mun betra að láta þær standa þeim sjálfum til skammar.

Annars ferðu í "aðgangsstjórn" og getur þar lokað á fólk. Til að eyða út athugasemdum ferðu inn í "athugasemdir" og ýtir á "fela"