Við þökkum fyrir það...

...en hver hefur heyrt um sex ára gamla stúlku? Í hverjum einasta fjölmiðli er talað um stúlku.

Þetta er getraun: Hvað er athugavert við að tala um sex ára gamlar stúlkur??

Litla stúlkan fundin

Athugasemdir

[Laufey Ólafsdóttir, 7.5.2008 kl. 13:24]

Er hún ekki stelpa eða telpa fram að vissum aldri?

[Þuríður Björg Þorgrímsdóttir, 7.5.2008 kl. 22:47]

Bingó, Laufey!  Það var alltaf talað um drengi og telpur annars vegar, og pilta og stúlkur hins vegar. Núna eru allir "drengir og stúlkur". Á leikskólunum heita deildirnar meira að segja "drengjadeild" og "stúlknadeild". Ég meina, hvað eiga stelpur að vera lengi í leikskóla??

[Laufey Ólafsdóttir, 8.5.2008 kl. 00:00]

Fram að átján ára aldri Björg og þá hleypum við þeim í klaustur!

Er ekki umhugsunarefni og kannski efni í rannsóknir útaf fyrir sig að drengirnir mega vera drengir frá vöggu til fullorðinsaldurs á meðan telpurnar þurfa að verða stúlkur strax....

Það er eðlilegt að málnotkun breytist en þetta væri fróðlegt að vita

[Þorgrímur Gestsson (IP-tala skráð) 8.5.2008 kl. 13:00]

Það er gott að fólk skuli ræða um málfar og máltilfinningu. Ég segi að tungunni sé ekki mjög hætt á meðan! En skv. minni orðabók, sem er raunar frá 1963, er telpa haft um stúlkubarn en stúlka um unga konu. Ekki veit ég hvar skilin á milli eru, við hvaða aldur á ég við! Hins vegar eru orðin piltur og strákur samheiti núorðið - en áður var strákur óvirðulegra, sbr. strákslegur osfrv. Sama er eiginlega að segja um stelpu, það var áður fyrr heldur óvirðulegt orð, sbr. stelpugála, enda þýddi sögnin að stelpa "falla um koll" í fornu máli.

Þetta var bara svona til fróiðleiks og gamans frá pabba þessa bloggara!