Sanngjarnt verkfall?

Hvað ætli flugumferðarstjórar hafi í laun? Ég þori ekki að fara með það en þeir eru allavega með töluvert meira en ég! Ég get ekki séð að þeir hafi yfir neinu að kvarta. Hvenær skyldu bankastjórar fara í verkfall?

Kannski Baggalútur hafi fundið lausnina: http://www.baggalutur.is/frettir.php?id=129.

Tilkynning frá Iceland Express vegna fyrirhugaðs verkfalls flugumferðarstjóra

Athugasemdir

[Davíð Arnar (IP-tala skráð) 26.6.2008 kl. 23:32]

Samkvæmt fréttum eru þeir með 809 þúsund krónur að meðaltali, og 8 vikur í frí á ári - 4 að sumri og 4 að vetri.

[Sigurður Axel Hannesson, 26.6.2008 kl. 23:37]

Ég veit það ekki heldur. Mér finnst þó ekki annað en réttlátt að laun séu í samræmi við ábyrgð - upp að ákveðnu marki. Ef flugumferðarstjóri gerir mistök, geta þau kostað æði mörg mannslíf. Ef ég væri "ræstitæknir" og gleymdi að þurrka af einni hillu, þá væri lítið meira í húfi en hugsanlega sært stolt vegna ávíta yfirboðara.

Nærtækara (gróft, en getur gerst) dæmi fyrir mig; ef ég geri alvarleg mistök, missa sýslumenn og lögregla um allt land, net- og símsamband (þeir sem hafa tekið upp IP símkerfi) meira eða minna. En ég fæ ekki laun í nokkru samræmi við þá ábyrgð.

Er það ekki jafnan svo, að "laun heimsins eru vanþakklæti"?

[Þuríður Björg Þorgrímsdóttir, 27.6.2008 kl. 00:20]

Hvað með hjúkrunarfræðinga? Ef þeir gera mistök í starfi, getur það ekki haft alvarleg áhrif á  heilsu sjúklinga? Mánaðarlaun þeirra eru skammarleg.

[Guðjón Rúnar (IP-tala skráð) 27.6.2008 kl. 00:33]

Hvaða laun eru ráðherrar og alþingismenn með að meðaltali?   Fá þeir laun miðað við ábyrgð?  Allir hljóta að sjá hve vel þeir höndla þessa ábyrgð og hvað er í húfi.  Þeir eru og hafa verið að gera stór mistök sem kosta okkur (þjóðina) alveg skelfilegar fjárhæðir og er þó boltin bara rétt að byrja að rúlla.  Alvarleika þeirra mistaka er að mínu mati ekki farið að gæta enn að nokkru marki. 

[Sigurjón, 27.6.2008 kl. 02:16]

Ef ég skildi formanninn þeirra rétt í fréttum um daginn vilja þeir fyrst og fremst sömu laun, en minni yfirvinnu.

[Laufey Ólafsdóttir, 27.6.2008 kl. 10:11]

Ég er að hugsa um að fara í verkfall líka. Mín laun eru ekkert í samræmi við þetta

[Þuríður Björg Þorgrímsdóttir, 28.6.2008 kl. 16:26]

Deilan er víst leyst og þeir fengu 11% launahækkun. Ég hefði skilið það ef aðalkrafa þeirra hefði verið að minnka yfirvinnuna en það virðist ekki hafa verið með í samningunum. Annars veit maður nú aldrei hvernig hlutirnir eru í raun og veru, það sem kemur fram í fjölmiðlum er oft dálítið einhliða og einfaldað. En ég get alveg fullyrt það að hjúkrunarfræðingar eru ekki með nein 340 þúsund í grunnlaun og þeir eru búnir að vera að berjast fyrir sínum málstað í marga mánuði. Það er ekki jafn mikill vilji til að semja við þá!