Lindyhopfélagið

Ég bloggaði hér um daginn um gengdarlausa fíkn mína í eiturlyf sem heitir Lindy Hop og sagði frá því að neytendur þess héldu úti heimasíðu sem ég þorði ekki að gefa upp, ef ske kynni að viðkvæmar sálir hefðu stolist í tölvu og gætu komist á tengilinn fyrir slysni. Þar sem fíkn mín er óstjórnleg þá ætla ég SAMT að gefa upp slóðina á þessa heimasíðu, en til viðvörunar fyrir áhugasama verð ég að segja frá því að fíknin hefur einnig haft slæm áhrif á fjölskylduna, þar sem hún kemur núna saman á Barnum jafnvel á virkum kvöldum, og er ungviðið dregið með og sett niður Á BAR Í REYKJAVÍK (allir vita náttúrlega að það er stórhættulegt) og látið leika sér í tölvunni á meðan mamman sinnir þessari ónáttúru.

www.lindyravers.com

Og svo er annað: OKKUR VANTAR KONUR! Það er óvenjuleg staða að karlmenn séu í meirihluta í þessum geira, en reyndar bara gott fyrir mig þar sem nú get ég skipt um karlmenn oftar en sokka .

Athugasemdir

[Halla Rut , 6.10.2007 kl. 00:58]

Þetta er ábyggilega í fyrsta sinn í sögu dans þar sem vantar konur.

Var að svara commentinu þínu á minni síðu.

[Þuríður Björg Þorgrímsdóttir, 6.10.2007 kl. 22:25]

Já, þetta virðist vera eitthvað sem höfðar til karlmanna, ÍSLENSKRA karlmanna!!

[Þuríður Björg Þorgrímsdóttir, 13.10.2007 kl. 00:05]

Til hamingju, þú hefur fengið nasasjón af lífi einstæðrar móður! Í verðlaun eru endalaus vinna og enginn tími!

[Þuríður Björg Þorgrímsdóttir, 13.10.2007 kl. 00:07]

Og þú ert auðvitað velkomin í hópinn um leið og þú endurheimtir manninn.